Senin, 25 April 2005

Blung lama dorang ada beking tu FIP
Alias
forum independen peduli sastra
sebuah gerakan kebudayaan
for mo fasilitasi
penerbitan karya sastra lokal

memang ini inisiatif yang positif
dari kesadaran tamang-tamang
yang merasa taganggu deng pemberangusan
karakter lokalitas
dari tradisi-tradisi mapan
yang so ada deng menyejarah

Kesadaran ini tantu jang jadi
“manifesto kagetan”
yang memuat eksistensi sesaat dari ketergangguan tadi
perlu ada mekanisme jelas
bagimana kinerja tiap perangkat
yang membangunnya
kalu masih dapa rasa stenga mati
mo sama deng penerbit profesional
musti ada jalang tengah
for depe jalang kaluar
deng tantu katu itu aturan
musti beking baku
jang berapologi, “torang deng torang kwa, baku percaya jo”
(tau jo tu torang deng torang skarang)
ini memang penting
kalu torang mo suka ini gerakan
butul-butul mo menghasilkan
deng spaya boleh mo dapa legitimasi
dari masyarakat banya
tagal itu manajemen musti beking bagus
karna manajemen sama deng fondasi
for organisasi
sepande apapun torang
setinggi apapun intelektualitas
yang torang punya
mar kalu torang nya pusing
deng profesionalitas
torang dorang mo cap main-main

torang samua musti inga
jangang pernah membangun rumah
kalu nintau beking fondasi