Rabu, 13 Januari 2010

Bagini no depe selek
Kalu so lama ta brenti batulis
Mo se trus tu novel ka dua
Mar musti cari ulang depe feel deng nuansa
Apalagi ini novel sejarah
Musti detail deng kontekstual
Nimbole sambarang tulis

So suka skali batulis
Mar depe nuansa blum dapa-dapa
Baru sekitar 10 % da klar
Musti usaha kras ulang ini

2009 blum lama da lewat
Kita dapa inga
Banya orang-orang hebat kote
Da mati taong lalu
Termasuk Rendra
Seniman yang jadi besar
Lebih karena karisma deng pengaruh

ternyata karya bukang ukuran
seniman for jadi basar
Kalu karya yang jadi ukuran
for kita banya yang lebe dari Rendra
rupa Putu Wijaya, deng laeng-laeng
mar Rendra pe karisma deng pengaruh
memang basar deng nya ada lawang
jadi inspirasi seniman-seniman sentral