Minggu, 21 Agustus 2005

Sadiki-sadiki kita sama deng dapa rasa ulang nuansa Jogjakarta
pas 3 hari merasakan nuansa Kotamobagu (19-21 Agustus)
Manado kalah tenang
ini kota jao lebe sejuk
kita kasana lantaran anak-anak
teater abu-abu dapangge
for baku beking rame
acara pesta rakyat yang
ada depe pertunjukan musik deng teater

di atas panggung kita nya
bisa berbuat banya
malah ja tailang slak di adegan tertentu
maklum, torang latihan Cuma satu kali
deng tu naskah le Cuma ada susun
rabu-rabu satu malam
Teater harusnya terkonsep
Bukang pertunjukan spontanitas

Masyarakat cukup antusias merespon aktivitas seni rupa bagini
Samua berkesan
Terutama dorang pe kolektivitas
da beking ni kegiatan
samua tahu tu tugas masing-masing
itu yang beking ini pertunjukan seni
bole mo sukses
Kinerja sama deng itu
stenga mati mo dapa di sini

di pementasan ini torang coba mengangkat masalah-masalah yang jadi
keluhan orang-orang Totabuan
satu hal yang beking kita kage
penyaluran dana yang basar for Persibom beking rakyat mengeluh
Sedangkan disini Persma amper mati takubur lantaran kekurangan amunisi
dari pemerenta

0 komentar:

Posting Komentar