Kamis, 18 Desember 2008

Slalu banya alasan
Ato lebe tepat pembenaran
yang jadi tumbal
kiapa sampe pe lama tenggang waktu
diary nyanda dapa fungsikan
kalu mo rekeng
ini no bayi pertama yang lahir ni taong
nyanda pernah sebuah taong
kong Cuma lewat bagitu
2008 le punya arti sandiri for kita
Setelah lewati proses melelahkan
novel yang kita kase nama Sargasso akhirnya bole mo lahir
nya Cuma itu, so terbit
deng so dinikmati orang-orang
karya yang menurut kita
biasa-biasa jo
mar akhirnya ini karya ada arti sandiri
lantaran so Lama skali
kesusastraan sulawesi Utara sepi karya novel
Sargasso kita tulis dari 2004
tanpa bermodalkan ide apapun
Hanya dilandasi ambisi
Kita musti bisa tulis novel
Ambisi yang depe awal nyanda
didasari keseriusan yang tulus
Itu le yang menurut kita jadi penyebab
kiapa karya yang mustinya
Bole mo klar satu taong
Nanti klar ampa kali lipa lebe lama
Maklum, selain batulis novel
Banya kesibukan penting laeng
yang le jadi fokus hidop
batulis puisi, cerpen, naskah drama, pentas teater, kuliah, organisasi, nongkrong, hura-hura, deng tantu katu, memburu cinta!!.. (he..he.., nda perlu malo sob, hidop Cuma satu kali, cari tu cinta yang paling sejati)
Sargasso kita pe anak yang paling sulung lucu deng menggemaskan..