Senin, 21 Juni 2010

Slama hidop
So anam piala dunia kita da rasa
Yang pertama taong 1990
Waktu itu kita masih tujuh taong
Blung mangarti bola
Mar tetap kita dapa rasa depe rame
Apalagi depe lagu tema sampe skarang masih kita inga
Depe judul “To be number one”
Sapa sto yang manyanyi
Memang nyanda banya pemain kita tau
Paling Cuma Maradona

Taong 1994
Kita so mulai sadiki mangarti
Banya pemain top yang jadi kita pe favorit
Batistuta, Baggio, Romario deng Stoikov
Deng yang paling nyanda kita mo lupa
Pas Maradona dapa kasus doping
Butul-butul beking heboh
Sayang kita pe ayang Italy
Kalah di final pa Brasil
Gara-gara Baggio
Pe penalti nyanda maso
Waktu final kita kurang bauni siaran ulang
Soalnya depe siaran tenga malang
Nya mungkin anak SD mo dapa bangong pagi
Kalo bagadang jam bagitu

Mungkin piala dunia 1998
paling berkesan for kita
Selain butul-butul so jadi
bolamania sejati
Banya bintang muda hebat yang jadi idola waktu itu
Owen, Beckham, Ronaldo, Zidane, Raul
Deng masih banya le
Nya ada satu pertandingan pun yang kita nya bauni
Biar laeng kurang siaran tunda
Mar tetap 100% hadir

Piala dunia 2002
For kita nda semegah 1998
Memang ada banya kejutan
Tuan rumah Korsel bole mo sampe semifinal
Abis se tumbang pa Italy deng Spanyol
Bukang gampang komang itu
Argentina deng Prancis yang jadi unggulan
Justru keok di penyisihan
Padahal waktu itu Batistuta masih on fire
Prancis da bawa 3 top skor
Henry di liga Inggris
Cisse di liga prancis
Deng Trezeguet di liga Italy

2006 sadiki lumayan
Dari awal kita so tebak Italy pasti akan juara
Selain karna Lippi depe pelatih
Taong ini adalah masa terakhir generasi emas bintang azzuri
Del piero, Inzaghi, Pirlo, Totti,Gattuso Cannavaro, Nesta, Toni
Dorang pe pengganti so stenga mati mo cari
Jadi barekeng
Ini trofi jadi kenang-kenangan terakhir

2010 masih sementara
Mar sampe skarang rupa nyanda berkesan
Minim permainan cantik
Minim gol indah
Minim bintang baru
Banya pertandingan kita malas bauni
Kita Cuma harap spaya Inggris juara
Lumayan, untung bataru...

0 komentar:

Posting Komentar