Minggu, 27 Desember 2009

Saki ini talinga dadengar
Ada buku yang dibredel
karna mo bongkar
Skandal bank century yang dong bilang
depe dana mengalir ka Cikeas

kiapa le so kwa SBY mo tako
kalu memang nya butul
tinggal klarifikasi ato lawang
deng buku laeng
deng ada hukum le kwa
yang sementara bajalang
walaupun hukum skarang memang
so stenga mati mo andalkan

ini le kan so periode terakhir
ato mungkin SBY masih mo bacalon ulang
jadi nimau depe nama rusak
di mata masyarakat

Reformasi so lebe dari satu dekade
Rezim otoriter yang jadi mimpi buruk
Slama 32 tahun so embang
Skarang torang so lebe
bebas kase kaluar pendapat
pelarangan buku deng alasan apapun
so musti diharamkan

0 komentar:

Posting Komentar