Selasa, 22 Desember 2009

Natal so nya lama
kurang mo rekeng deng jare Depe hari
Mar nya ada yang dapa rasa berubah
So nya rupa dulu
Waktu kita masih kacili
Pe rame skali

Kita bauni televisi
sekedar mo isi ni sunyi
Mar televisi le sama deng nintau
Kalu ini somo natal
Cuma rame deng Luna Maya pe brita
Yang dasosere infotaiment
Ato Prita pe brita
Yang dasosere rumah saki omni
Deng jutaan koin

Sadiki le Somo natal
Mar samua sama deng biasa
mungkin zaman sto yang so berubah