Jumat, 8 September 2006

Tong pe rombongan
Ka gedung RRI
Bauni cabang manyanyi pop
Mar beking pastiu
Salah satu juri blum ada
Terpaksa lomba molor
sampe abis makang siang
memang orang Manado paling alergi
deng kebosanan
kita deng tamang-tamang laeng
langsung pi bajalang
baron-ron pusat kota Makasar
menikmati sisi laeng dari
misi ini kegiatan
“liburan”

So nya tahang mo bli depe capatu Tracking
Kita deng Wawan baku cari
counter Eiger pe tampa
pake nae becak spaya lebe murah
deng maklum, nae becak
bagini memang jarang-jarang terjadi

keode
mo di Jakarta mo di tampa laeng
strategi beking bodok
pendatang tetap berlaku no
kita deng Wawan takage
waktu sopir yang dapa lia bae-bae
minta 20 ribu for depe frak
hele nae taksi tu doi masih da tasisa
kalu Cuma jarak dekat bagitu
laso le’’

kepastian jadwal monolog torang so dapa
hari senin kata, 11 September
karna depe tenggang masih brapa hari
torang Cuma santai-santai
mar nya sangka tu jadwal
dorang rubah kage-kage
baca puisi so beso pagi
panyaki le ni panitia
beking jadwal kwa plin plan

ini malam Wawan deng Yunita langsung dapa godok habis-habisan
sampe subuh dorang dapa ojo
deng metode latihan yang aneh mar kras
dari Vick “Ungke” Chenorre

keode
depe laste tu jadwal dong se babale ulang
baca puisi nanti 11 September
Cape deh..