Senin, 25 Januari 2010

Ketika seniman-seniman teater
So rasa puas
hanya deng iko festival
Pentas di kolom, pentas proyek
Kita bapikir
Torang pe seniman teater so nya ada mimpi
So nya ada cita-cita
Teater bukang cuma persoalan
Beking karya
Kalu Cuma berkutat di persoalan itu
Maka torang sama deng beronani deng tong pe karya sandiri
Teater itu seni pertunjukan
Pertunjukan berarti komunikasi
Musti ada perjumpaan romantis
Antara kreator teater
Deng masyarakat

Torang bisa
beking teater
jadi lebe berharga di mata masyarakat
jadi tulang punggung
for beking hidop depe kreator

mar itu samua cuma akan sampe
diangan-angan
kalu torang so puas
deng iko festival
deng pentas di kolom
deng pentas proyek

...kasiang skali...