Sabtu, 14 Februari 2009

Dua hari lalu kita dapa kiriman
Kiriman yang beking kita kage
lantaran so lama skali
nda dapa kunjungan pak pos
dari Grasindo kote
penerbit yang kita da kirim akang
ta pe draft novel
karna beberapa pertimbangan
Sargasso kita ganti judul
Jadi “Laki-laki yang rindu pada kamar”
ini naskah kita kirim ampa bulan lalu tanpa prangko balasan
yang beking kita so nda baharap
dorang mo kase pulang ulang
kalu nyanda diterbitkan

Ta pe dugaan salah
dorang kase pulang katu
beserta selembar kertas
yang menyatakan rasa manyasal
karna ini naskah belum sesuai
deng segmen karya yang jadi
dorang pe program penerbitan skarang

Nda masalah ta pikir
yang penting so coba
waktu kirim ini le kita memang
nda talalu baharap
Nanti jo, kalu kita so jadi penulis top, baru dorang manyasal
nda trima ta pe novel
.. ha..ha..ha..