Minggu, 9 Mei 2010

Sampe rumah so jam 10 malang
Abis maso greja babajalang sadiki
Sekedar mo isi waktu

Kita putar televisi
Sambil sasadiki pici-pici tombol
For ganti chanel
Kita sadiki takage
Chanel National Georaphic
So nyanda ada
So taganti deng siaran stasiun tv lokal
Dari Jawa Timur
Depe reporter pe percaya diri
Bacirita pake bahasa Jawa
Nya lama kita tercenung
Bapatong di muka tv

kita pe rasa kage langsung jadi rasa malo
di sini Pacific TV
bapaksa skali mo iko gaya Jakarta
dari segi bahasa sampe
format acara
beking apa kasiang
sampe kapanpun ngoni tetap mo kalah
deng Trans, Rcti, ato Anteve
pake kwa gaya Manado
pake kwa bahasa lokal
kita yakin stasion tv lokal
pasti jadi tuan rumah
di kampung sandiri