Senin, 11 Januari 2010

Memang so dari dulu kita sadar
Kita nda bisa merubah
sebuah keadaan
kalu Cuma sandiri
sebuah kelompok itu penting
for mo capai tujuan

mar kita le sadar
kita nya bisa mo rubah seseorang
for rela berkorban
demi capai cita-cita

samua orang suka bagara
Cuma kalu ada doi
Samua suka berkorban
Kalu ada doi
Makanya torang di sini nya maju-maju
Karna jadi budak doi

Memang samua butuh doi
Mar doi bukang tujuan
Doi Cuma salah satu alat
For mo capai tujuan
For mo rubah ni peradaban yang so rusak
Jadi lebe bae

Syukur jo
Banya hal penting laeng
yang boleh kita capai sandiri
Tanpa bantuan kelompok

Di kota ini
Kita nya ada tamang
Samua manusia
Sama deng mayat hidop