Kita Pe Bumi

Di atas kita pe tanah orang-orang
Baku lempar senyum
Baku kase kasih sayang
Agama nyanda rupa piso, tasontong sadiki tairis

Di bawah kita pe langit
yang rajin kase ilmu yang malas
Nyanda ada yang kaya
Nyanda ada yang miskin
Samua torang punya sama-sama

Di kita pe bangsa samua orang boleh berbeda
Kong baku-baku hormat
Penyair bapuisi sampe kanyang
Nyanda pusing popoji kosong
Karna so nyanda perlu pake doi

Di kita pe skolah
Nyanda ada guru nyanda ada murid
Samua orang pe status sama
Kong saling membelajarkan

Di kita pe lorong
Samua orang boleh batalanjang di tenga jalang
Baku se tunjung masing-masing pe “barang”
Karna so nyanda ada lagi
manusia-manusia yang munafik

Di kita pe negara tentara deng polisi so nyanda ada
Karna so nyanda ada perang
Samua masyarakat hidop tentram
So nyanda ada kejahatan kemanusiaan

Di kita pe kampung nyanda ada yang baku bunung, bapancuri orang laeng punya
Ato baku lawang golojo jabatan
karna samua so hidop sanang

Di kita pe kota kantor pengadilan,
kantor KPK, Rutan so nyanda ada
karna samua orang so tau
bagimana mo jadi manusia

Di kita pe bumi
tiap hari torang cuma tau baku cuki deng berkarya
minum cap tikus sampe puas
mar tetap baku bangong tu kebudayaan masing-masing

Di kita pe .........

“Woi bangong!! So tenga hari ini, nya mo pigi kuliah ngana?!!!”

Auw.. Bukang ajus pe suara itu?, ah butul... poloi le, masih tagantong tu mimpi ...

27 Februari 2009