Pengakuan

Walaupun stenga mati
kita musti bilang pengakuan ini
kita nda pernah bisa lapas
dari ngana pe jerat senyum

waktu bajalang
bageser di titik saat torang
sama-sama bersepakat
baku jabat rasa
baku gate rindu

detik-detik berikut
kita pe hidop adalah penungguan
for satu masa
ketika tautan rasa
menjelma keabadian

mar kiapa ngana masih tapaku
pada senyum bisu itu
mar kiapa ngana masih badiang
di balik topeng kata-kata
skarang kita nda lagi butuh itu
bukang lagi tangkai melati pa ngana pe mata
yang rindu kita mo pete

kita rindu saat ngana
dirikan sebuah dermaga
for labuhan torang dua pe hati

Februari 2009